Америкалик рок-мусиқачи Игги Попнинг Бигги Поп лақабли тўтиқуши Австралиянинг Byron Bay Wildlife Hospital касалхонаси янги лойиҳасининг васийи бўлди. Бу ҳақда «Korrespondent.net» хабар берди.
Игги Instagram’да қуши номидан саҳифа очган ва унда ветеринарлари ўрмон ёнғинидан зарар кўрган ҳайвонларни даволайдиган муассаса фаолияти ҳақида маълумот берган.
Таъкидлаш жоиз, Австралияда 2019 йил ёзда юз берган ёнғинларда 3 миллиард ҳайвон, 180 миллион қуш ҳалок бўлган.
https://www.instagram.com/p/CESlu28p4OZ/
Бигги номидан қайд қилинишича, унга мазкур муассасадан васий бўлишга таклиф келиб тушганидан кейин иккиланиб ҳам ўтирмай рози бўлган. Ҳозир у ерга учиб боришининг иложи бўлмагани учун Instagram саҳифасида маълумот тарқатишга ёрдам беришга қарор қилган.
Маълумот учун, мусиқачи мазкур тўтиқушни 12 йил аввал Флоридадаги дўконларнинг биридан харид қилган ва 2016 йилдан буён Бигги номидан Instagram саҳифасини юритиб келади.
Мавзуга доир:
- Аргентинада тўтиқуш қотиллик жинояти бўйича судда гувоҳ сифатида кўрсатма беради
- Америкалик аёл тўтиқушлари учун расмлар галереясини яратди. У машҳур суратларни қушларга мослаб қайта чизди (фото)
- Ҳиндистонда жосусликда айбланиб, 3 йилга қамалган кабутар озодликка чиқарилди
- Тонга оролларида 60 минг йил аввал яшаган ярим метрлик кабутар қолдиқлари топилди
Изоҳ (0)