Amerikalik musiqachi Iggi Popning to‘tiqushi Avstraliya hayvonlar shifoxonasiga vasiy bo‘ldi (video)

Amerikalik rok-musiqachi Iggi Popning Biggi Pop laqabli to‘tiqushi Avstraliyaning Byron Bay Wildlife Hospital kasalxonasi yangi loyihasining vasiyi bo‘ldi. Bu haqda “Korrespondent.net” xabar berdi.

Iggi Instagram’da qushi nomidan sahifa ochgan va unda veterinarlari o‘rmon yong‘inidan zarar ko‘rgan hayvonlarni davolaydigan muassasa faoliyati haqida ma’lumot bergan.

Ta’kid​lash joiz, Avstraliyada 2019-yil yozda yuz bergan yong‘inlarda​ 3 milliard hayvon, 180 million qush halok bo‘lgan.

https://www.instagram.com/p/CESlu28p4OZ/

Biggi nomidan qayd qilinishicha, unga mazkur muassasadan vasiy bo‘lishga taklif kelib tushganidan keyin ikkilanib ham o‘tirmay rozi bo‘lgan. Hozir u yerga uchib borishining iloji bo‘lmagani uchun Instagram sahifasida ma’lumot tarqatishga yordam berishga qaror qilgan.

Ma’lumot uchun, musiqachi mazkur to‘tiqushni 12 yil avval Floridadagi do‘konlarning biridan xarid qilgan va 2016-yildan buyon Biggi nomidan Instagram sahifasini yuritib keladi.