Таиландлик Супамас исмли аёл мушугида кузатилган замбуруғни халқ табобати ёрдамида даволамоқчи бўлган. Оқибатда эса ҳайвон ранги оқдан сариққа ўзгарган, деб ёзади «Korrespondent.net».
Маълум қилинишича, аёл интернетда куркума — зарчивани яллиғланиш ва замбуруғдан халос бўлишда самара беришини ўқиган ва ушбу маҳсулотни мушукнинг замбуруғ ҳосил бўлган тана қисмига суртган. Аммо инфекция тарқалишини олдини олиш учун бу етарли эмас деб ҳисоблаган ва куркумани ҳайвоннинг бутун танасига суртиб чиққан.
Аёл суртилган куркумани ювмоқчи бўлганида унинг кетмаслигига гувоҳ бўлган, мушукнинг оқ мўйнаси эса сариқ бўлиб қолган. Шунга қарамасдан, ҳайвоннинг эгаси ундаги замбуруғни даволашга муваффақ бўлган, дейилади хабарда.
Изоҳ (0)