Таниқли актёр Фатҳулла Масъудовнинг коронавирус сабаб аҳволи оғир эканлиги маълум қилинди

Ўзбекистонда хизмат кўрсатган артист Фатҳулла Масъудов коронавируснинг оғир формасини бошдан кечирмоқда. 27 август куни ижтимоий тармоқларда актёрнинг оғир аҳволда эканлиги ҳақида маълумот тарқалди.

Актриса Муқаддас Саъдуллаева Instagram’даги саҳифасида фолловерларидан Фатҳулла Масъудов тузалиб кетиши учун дуо қилишни сўради.

https://www.instagram.com/p/CEYo2wZJ8BN/

Шоир Муҳаммад Исмоилнинг ёзишича, Фатҳулла Масъудовнинг аҳволи оғир.

Маълумот учун, Фатҳулла Масъудов 1963 йилда Тошкент шаҳрида таваллуд топган. 2015 йилдан буён Ўзбек Миллий академик драма театри директори лавозимида ишлаб келмоқда. 1999 йили «Шуҳрат» медалига сазовор бўлган. 2003 йили «Ўзбекистон Республикасида хизмат кўрсатган артист» унвони билан мукофотланган. 2014 йили «Меҳнат шуҳрати» ордени билан тақдирланган.

«Эшитишимга қараганда, дўстимиз Фатҳулла Масъудов оғир аҳволда экан. Дўстим, илоҳим, умрингиз узоқ бўлсин! Соғ-саломат ўйнаб кулиб кетинг! Сизни бутун Ўзбекистон севади!», — деб ёзди Муҳаммад Исмоил.

Эслатиб ўтамиз, 25 август куни Ўзбекистон халқ артисти Дилбар Икромова коронавирус оқибатида вафот этди.