Koronavirusga qarshi kurash shtabi a’zosi Habibullo Oqilov AOKA zalida tashkil etilgan brifingda o‘quvchilarni maktabga yuborish qanchalik xavfli ekanligi borasidagi savolga javob bergan.
Jumladan, aholining “Agar 14-sentabrda o‘qish boshlansa, oilamizda keksa odamlar bor. Bolalarni maktabga yuborish xavfli emasmi? Axir ular uyga virus olib kelishi mumkin”, degan savoliga Oqilov quyidagicha javob bergan:
“Agar siz maktabga borish xavf tug‘diradi deb hisoblasangiz, ariza yozib, onlayn o‘qitishdan foydalanishingiz mumkin. Bu qarorni o‘quv yili davomida o‘zgartirish mumkin. Nima bo‘lgan taqdirda ham siz bolaga niqobni to‘g‘ri taqish, qo‘llarni yuvish, antiseptiklardan foydalanish va ijtimoiy masofa saqlashni o‘rgatishingiz kerak”.
Mavzuga doir: YuNISEF O‘zbekistondagi maktablarning 13 foizida 2019-yilda qo‘lni yuvish uchun sharoit bo‘lmaganini ma’lum qildi
Izoh (0)