Чидаб бўлмайдиган оғриқлар, жумладан, бош оғриқлари, тўхтамасдан қайт қилиш, ва интенсив диарея ҳам коронавирус беморларини стационар шароитда шифохонада даволашга кўрсатма саналади. Бу ҳақда Коронавирусга қарши кураш штаби аъзоси Ҳабибулло Оқилов АОКА залида ташкил этилган брифингда маълум қилган.
Мавзуга доир: Олимлар COVID-19 коронавирус инфекциясининг асосий аломатлари қай тартибда кечишини аниқлади
- ҳансираш (ҳаво етмаётганлигини сезиш) — нафас олиш частотаси беморнинг тинч ҳолатида дақиқасига 22 ва ундан юқори бўлиши;
- тана ҳарорати барқарор равишда 39 даража ва ундан юқори, иссиқни туширувчи дори воситалари ёрдамида тушмаслиги;
- қоннинг кислород билан таъминланиш фоизи 90 фоиздан паст бўлиши (бу кўрсаткич пульсоксиметр ёрдамида аниқланади);
- қон босимининг тушиб ёки кескин кўтарилиб кетиши (90 дан паст ёки 220 дан юқори);
- юрак уришининг тезлашиши — пульс дақиқасига 130 ва ундан юқори бўлиши;
- беморда онг кўрсаткичларининг пасайиши;
- қўшимча хавф омиллари: ёши 60 ва ундан юқори, ёндош касалликлар — диабет, гипертония, юрак хасталиклари, ўпка ва буйраклар сурункали касалликлари, онкологик касалликлар ва иммунитетнинг пасайиши;
- оғир симптомларнинг мавжудлиги: яъни чидаб бўлмайдиган оғриқлар, жумладан, бош оғриқлари, тўхтамасдан қайт қилиш, ва интенсив диарея.
Эслатиб ўтамиз, аввалроқ Коронавирусга қарши курашиш штабининг яна бир аъзоси Наргиза Нуруллаева коронавируснинг энг кўп учрайдиган белгиларини фоизлар нисбатида маълум қилган, вируснинг бошқа шамоллаш ва ўткир респиратор касалликлардан фарқли бўлган жиҳатлари, энг эрта пайдо бўладиган аломати айтилган эди.
Мавзуга доир:
Изоҳ (0)