Бухоро вилоятининг Вобкент ҳамда Жондор туманида ички ишлар бўлими бошлиқлари лавозимида ўзгариш бўлди. Бу ҳақда «Дарё»га вилоят ИИБ ахборот хизмати раҳбари Шуҳрат Жалолов маълум қилди.
Таъкидланишича, Ички ишлар вазирининг шахсий таркиб бўйича буйруғига кўра, подполковник Абдувоҳид Жалилов Жондор тумани ИИБ бошлиғи лавозимига тайинланган. У тайинловга қадар Вобкент туман ИИБ бошлиғи лавозимида фаолият юритган.
«Ички ишлар тизимида фаолият самарадорлигини ошириш ҳамда кадрлар салоҳиятини орттириш кун талабига айланди. Шунга кўра, айни кунга қадар Олот тумани ИИБ бошлиғи биринчи ўринбосари лавозимида ишлаб келган полковник Азизжон Ашуров Вобкент тумани ИИБ бошлиғи лавозимига тайинланди», — дейди Шуҳрат Жалолов.
Изоҳ (0)