Раҳмонқулов Бахтиёр Тугамбаевич Яшнобод туманининг ҳокими этиб тайинланди. Бу ҳақда Тошкент шаҳар ҳокимлигининг матбуот хизмати хабар берган.
Бахтиёр Раҳмонқулов 1976 йилда Тошкент вилоятида туғилган. 1997 йилда Самарқанд олий ҳарбий автомобиль қўшинлари муҳандислик билим юртини қўмондонлик тактик автомобиль қўшинлари мутахассислиги бўйича ва 2008 йилда Россия Фавқулодда вазиятлар вазирлиги Фуқаро муҳофазаси академиясининг фуқаро муҳофазаси қўмондонлик-штаб тезкор-тактик бошқаруви соҳаси мутахассислиги бўйича тамомлаган.
У 2018 йилдан бугунга қадар Тошкент шаҳар ҳокими ўринборсари - Уй-жой коммунал хизмат кўрсатиш бош бошқармаси бошлиғи лавозимида ишлаб келаётганди.
Аввал Бектемир тумани ҳокими Шоҳрух Мамажонов ва Яшнобод тумани ҳокими Ҳожиакбар Тиллашайхов лавозимларидан озод этилган. Сергели туманининг ҳокими Бахтиёр Шомуротов эса август ойининг бошида ишдан олинганди.
Бектемир туманига Сирдарё вилояти ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари лавозимида ишлаган Жаҳонгир Иброҳимов, Сергели туманига жисмоний тарбия ва спорт вазирининг ўринбосари сифатида ишлаб келаётган Элбек Шукуров ҳоким этиб тайинланган.
Изоҳ (0)