Нодир Ҳайдаров Тошкент давлат стоматология институтига ректор этиб тайинланди. Бу ҳақда институт матбуот хизмати «Дарё»га маълум қилди.
Хабар берилишича, Нодир Ҳайдаров 2010 йилда Бухоро давлат тиббиёт институтини тамомлаган. У Тошкент давлат стоматология институтининг «Неврология» кафедраси мудири, Болалар стоматологияси факультети декани лавозимларида фаолият юритган.
Нодир Ҳайдаров 2019 йилда Халқ депутатлари Тошкент шаҳар кенгаши депутати этиб сайланган. У тиббиёт фанлари доктори илмий даражасига эга.
Эслатиб ўтамиз, Тошкент давлат стоматология институтига 2016 йилдан бошлаб ректорлик қилган Жасур Ризаев 2020 йилнинг февраль ойида Самарқанд давлат тиббиёт институтининг ректори этиб тайинланганди.
Изоҳ (0)