ОКМК бош мураббийи Миржалол Қосимов Coca-Cola Суперлига 12-туридан ўрин олган «Навбаҳор»га қарши ўйиндан (1:1) сўнг ўз фикрларини билдирди.
Иккита бир-бирига муносиб жамоа кураш олиб борди. Биринчи бўлимда «Навбаҳор» яхши ўйин кўрсатди ва иккинчи бўлимда биз кучлироқ ҳаракат қилдик. Натижада баҳс 1:1 ҳисобида якун топди. Ўйлайманки, ўйин кўпчиликка ёқди. Фурсатдан фойдаланиб йигитларга миннатдорчилик билдираман, чунки футболчиларимиз охиригача кураш олиб борди. Ваҳоланки, ютқазиб қўйишимиз ҳам мумкин эди. Энди кейинги ўйинга тайёргарлик кўрамиз.ОКМК 12-турдан кейин 28 очко билан 2-ўринда бормоқда ва пешқадам «Пахтакор»дан уч очко орта қолган. Олмалиқликлар 13-турда «Бухоро»га қарши баҳс олиб боради.1:1 натижасини сенсация демаган бўлардим. Айтиб ўтганимдек, иккита бир-бирига мос жамоа кураш олиб борди. Футбол шуниси билан қизиқ. Гоҳ ютишинг, гоҳ ютқазиб қўйишинг мумкин. Бу ўйинда эса дуранг қайд этилди. Тўғри, рақиб сафида Мирзоҳида Ғофуров, Аббос Ғуломов каби футболчилар ўйнамади, лекин «Навбаҳор» таркиби барибир кучли эди.
Қисқа фурсат ичида ўйинлар ўтказяпмиз, бунинг натижасида таркибда ротация амалга ошяпти. Шу боис бугун Шорахмедовга дам бердик. Қолаверса, кўп футболчиларимиз касал бўлиб тузалди ҳам. Сафимизда 11-12 нафар футболчи касал бўлиб қолди. Шу боис кўпчилик ҳали 90 дақиқага тайёр эмас.
Миржалол Қосимов, ОКМК бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)