Самарқанд вилоят божхона бошқармаси ходимлари 34 миллион 240 минг сўмлик хорижда ишлаб чиқарилган дори воситаларининг ноқонуний савдосига чек қўйди. Бу ҳақда «Дарё»га вилоят божхона бошқармаси ахборот хизмати маълум қилди.
Самарқанд вилоят божхона бошқармаси контрабандага қарши курашиш ва божхона аудити бўлими ходимлари томонидан Самарқанд шаҳрида ўтказилган тезкор тадбирда «Юлдуз» кафеси ёнида жойлашган автомашиналар турургоҳида турган фуқаро Ю.Ф. бошқарувидаги Spark кўздан кечирилган. Натижада автомашинадан йўловчи сифатида кетаётган Х.Ш.га тегишли бўлган полиэтилен пакетларга жойлаштарилган жами 34 миллион 240 минг сўмлик хорижда ишлаб чиқарилган дори воситалари борлиги маълум бўлган.
Мазкур дори воситалари гувоҳлар иштирокида қонунбузардан ашёвий далил сифатида вақтинча сақловга олиб қўйилган. Ҳозирда ушбу ҳолат юзасидан божхона органлари томонидан суриштирув ҳаракатлари олиб борилмоқда.
Маълумот учун, вилоят божхоначилари 2020 йил бошидан бугунги кунга қадар 9 та ҳолатда 112 миллион 287 минг сўм, жами 7385 дона дори воситасининг ноқонуний савдосини тўхтатиб қолган.
Мавзуга доир:
- Тошкентнинг бир нечта туманларида «Арбидол» ва «Эргоферон»ни ноқонуний равишда қиммат сотаётганлар ушланди
- Тошкентда «Арбидол» 400-600 минг сўмдан сотилаётгани аниқланди. Мутахассислар унинг COVID-19’га қарши фойдасини нолга тенг деб баҳолаган
- Самарқандда психотроп дори воситаларининг ноқонуний савдосига чек қўйилди
Изоҳ (0)