«Бавария» Европа Чемпионлар Лигаси 2019/20 йилги мавсумида 120 миллион евродан ошиқ даромад қилишни ўзи учун кафолатлади.
Бу мусобақа тарихидаги рекорд миқдор ҳисобланади. Аввалги рекорд 2019 йилда 117,73 миллион евро ишлаб топган «Барселона»га тегишли эди.
2019/20 йилги мавсуми тўловлар тизими қуйидагича кўриниш олди:
- Гуруҳ босқичи: ҳар бир ғалаба учун 2,7 миллион евро (6 ғалаба учун — 16,2 миллион евро);
- Гуруҳ босқичидан чиқиш: 15,25 миллион евро;
- 1/8 финалга чиқиш: 9,5 миллион евро;
- Чорак финалга чиқиш: 10,5 миллион евро;
- Ярим финалга чиқиш: 12 миллион евро;
- Финалга чиқиш: 15 миллион евро.
Шу билан бирга «Бавария» Чемпионлар Лигасининг сўнгги ўн йилликдаги рейтингида топ-3 га киргани боис қўшимча 33,24 миллион евро бонусга эга бўлади. Шунингдек, мюнхенликлар телеҳуқуқлардан 11,5 миллион евро даромад қилган.
Натижада клуб 123 миллион евро даромадни ўзи учун нақд қилди. Чемпионлар Лигасидаги ғолиблик сабаб бу миқдор 130 миллионгача кўтарилиши мумкин.
«Бавария» финалда 23 август куни ПСЖга қарши ўйнайди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)