«Бунёдкор» бош мураббийи Вадим Абрамов Coca-Cola Суперлига 11-тури доирасида «Сўғдиёна»га қарши кечган баҳсдан (3:3) сўнг ўз фикрлари билан ўртоқлашди.
Менимча ўйин қизиқарли бўлди, афсуски томошабинлар киритилмади. Балки ТВ орқали ўйинни кўришгандир, уларга ёққадир, билмайман. Қийин ўйин бўлди, айниқса бош мураббийлар учун. Олтита гол урилди, қизиқарли ўйин, аммо... Биринчи бўлим у қадар яхши ўйнамадик, иккинчисида эса ўзимизга келдик, ғалаба қозона олмаганимизга ўзимиз айбдормиз. Ёш йигитлар гол ура олмади, тўртинчи голни уриб ўйинни якунлашимиз керак эди. Бунинг ўрнига рақибга гол уриш имконияти берилди.«Бунёдкор» 11-турдан сўнг очколарини 21 тага етказиб олган ҳолда 3-ўринда бормоқда. Жамоа кейинги турда «Қизилқум» билан ўйнайди.Балки бу руҳият билан боғлиқдир. Шунчаки тўпни бир-бирингизга оширинг деган кўрсатма бермаганман. Балки ҳар уч кунда ўйин ўтказаётганимиз сабабдир.
Икромов майдонга тушиб фаол ўйнади, нима учун у иккинчи бўлимда тушди? Унинг имкониятларини яхши биламиз, бу тактика эди. Биринчи бўлимда рақиб катта куч билан ҳимояда ўйнашини кутгандик, шу боис Фарруҳни иккинчи бўлимда туширдик ва тезкорлигидан фойдаландик.
Ҳакамлик ҳақида? Футболчилар ҳам баъзида ёмон ўйнайди-ку, бу ўйинда ҳакамларда шундай кун бўлди деб ўйлайман. Бу сотиб олинган ҳакамлик бўлмаган деб умид қиламиз. Балки у (Шерзод Қосимов) «Бунёдкор»дан хафадир, ундан сўраб кўриш керак.
Вадим Абрамов, «Бунёдкор» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)