«Бавария» жамоаси УЕФА клублар рейтингида биринчи ўринга кўтарилди.
Мюнхенликлар клуби Европа Чемпионлар Лигаси ярим финалида «Лион»ни мағлуб этгач (3:0), рейтингда «Реал»ни ортда қолдирди.
«Бавария» ва «Реал»да очколар сони бир хил (134), бироқ мюнхенликлар жорий мавсумда Мадрид клубидан кўпроқ очко йиққан — 34:17.
Учинчи ўринда «Барселона» жамоаси қайд этилган бўлса, яна бир испан клуби «Атлетико» тўртинчи поғонадан жой олган. Кучли бешликни «Ювентус» якунлаб берган. Чемпионлар Лигасининг яна бир финалчиси ПСЖ рейтингнинг 7-поғонасидан ўрин олган.
УЕФА рейтингни ҳисоблашда сўнгги беш мавсум ичида Еврокубокларда қайд этилган натижаларни ҳисобга олади.
УЕФАклублар рейтинги билан танишинг:
- «Бавария» (Германия) — 134 очко
- «Реал» (Испания) — 134
- «Барселона» (Испания) — 128
- «Атлетико» (Испания) — 127
- «Ювентус» (Италия) — 117
- «Манчестер Сити» (Англия) — 116
- ПСЖ (Франция) — 113
- «Севилья» (Испания) — 100
- «Манчестер Юнайтед» (Англия) — 100
- «Ливерпуль» (Англия) — 99
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)