А Серияга йўлланма тақдим этувчи плей-офф финалида «Фрозиноне» ва «Специя» клублари ўзаро баҳс юритди.
Ҳар икки учрашув мезбонларнинг минимал ҳисобдаги ғалабаси билан тугади (1:0, 0:1) ва икки ўйин натижасига кўра тенглик юзага келди. Бироқ «Специя» Б Серия мусобақа жадвалида (3-ўрин) «Фрозиноне»дан (8) юқори ўринни қўлга киритгани сабаб А Серия йўлланмасига эга бўлди.
«Специя» 1906 йилда ташкил топган бўлиб, ўз тарихида илк бор А Серияга чиқди.
1944 йилда А Серия Иккинчи жаҳон уруши сабаб ўтказилмаган. Бунинг ўрнига Шимолий Италия футбол клублари ўртасида Cампионато Алта Italia мусобақаси ўтказилган. Ушбу мусобақада «Специя» ғалаба қозонади, бироқ Италия футбол федерацияси бу совринни А Серия ғолиблигига тенглаштирмайди.
2002 йилда «Специя»га фахрий чемпионлик унвони берилади, бироқ бу ҳали ҳам норасмий мақомни сақлаб қолган.
Аввалроқ «Беневенто» ва «Кротоне» жамоалари олий дивизионга йўлланмасига эга бўлганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)