Тошкент—Бухоро—Тошкент йўналишидаги 72/71-сонли йўловчи поезди қатнови 20 августдан қайта тикланди. 21 августдан Тошкент—Бухоро—Тошкент йўналишида 10/09-сонли «Шарқ» йўловчи поезди ҳаракати йўлга қўйилади. Бу ҳақда Транспорт вазирлиги ахборот хизмати хабар берди.
Шунингдек, 2020 йил 25 августдан Термиз—Сариосиё—Термиз ҳамда Навоий—Янги Зарафшон—Навоий, 28 августдан эса Навоий—Бузаубай—Навоий йўналишларда шаҳарлараро поездлар қатнови йўлга қўйилади.
Йўловчилар чипталарни темир йўл кассаларидан, шунингдек, онлайн тарзда ҳам харид қилиши мумкин.
Эслатиб ўтамиз, Республика махсус комиссиясининг қарори билан 15 августдан бошлаб мамлакат ҳудудлари ўртасидаги темир йўл қатновига рухсат берилди.
Аввалроқ «Афросиёб» поездлари Тошкент—Самарқанд—Бухоро—Тошкент, Тошкент—Самарқанд—Қарши—Тошкент йўналишида қатнай бошлаши ҳамда Тошкент—Андижон—Тошкент йўналишида 2 та йўловчи поезди қатнови йўлга қўйилиши ҳақида хабар берилганди.
Шунингдек, 20 августдан бошлаб маҳаллий йўналишларда қатновчи бир қатор йўловчи поездлар қатнови қайта тикланиши, 22 августдан бошлаб шаҳарлараро электропоездлар қатнови қайта йўлга қўйилиши ҳақида маълум қилинганди.
Изоҳ (0)