Ўзбекистонда 2020 йилнинг 1-ярим йиллигида 2584 та молиявий назорат тадбирлари ўтказилди, дея хабар бермоқда «Тараққиёт стратегияси» маркази.
Молиявий назорат тадбирларининг асосий қисми — 2010 таси (79 фоиз) бюджет маблағларининг мақсадли ишлатилиши юзасидан ўтказилган бўлиб, назорат тадбирларида 81,7 миллиард сўм миқдорида бюджет интизомини бузиш, пул ва товар моддий бойликлар камомади каби ҳолатлар аниқланган.
Назорат тадбирлари давомида кўрилган чора-тадбирлар натижасида ноқонуний сарфланган маблағларнинг 57,4 миллиард сўми (70 фоиз) тегишли бюджетларга тикланиши таъминланган.
Бюджет қонунчилиги бузилган бюджетдан маблағ олувчи ташкилотларнинг 47 нафар раҳбар ва бошқа мансабдор шахси ўрнатилган тартибда 35 миллион сўм миқдорида жаримага тортилган.
Шунингдек, 1246 та назорат тадбирида аниқланган 79,4 миллиард сўмлик қонунбузилиш ҳолатлари қонуний чоралар кўриш учун ҳуқуқни муҳофаза қилиш органларига юборилган.
Мавзуга доир:
- Самарқандлик 19 ёшли қиз уч ёшли Эъзозани даволаш учун берилган 25 млн сўмлик хайрия пулларини ўзлаштиришга уринди
- Наманганда аҳолидан тоза ичимлик суви учун йиғилган 190 млн сўм талон-торож қилингани аниқланди
- Жиззахда СЭОМ ходимларига 898 миллион сўм қўшимча тўлов иш ҳақлари тўлаб берилмаганлиги аниқланди
Изоҳ (0)