«Бавария» ҳужумчиси Роберт Левандовски Чемпионлар Лигасининг бир мавсумида урилган голлар сони бўйича «Барселона» форварди Лионель Мессини ортда қолдирди.
Левандовски Чемпионлар Лигасининг 2019/20 йилги мавсумида 15 та гол урган бўлса, Месси ўзининг энг яхши мавсумида (2011/12 йилги) 14 та гол урган. Мазкур кўрсаткич бўйича фақат Криштиану Роналду бу икки футболчидан илгарилаб кетган, португалиялик футболчи 2017/2018 йилги мавсумда 15 та, 2015/2016 йилги мавсумда 16 та, 2013/2014 йилги мавсумда эса 17 та гол урган.
Маълумот учун, 31 ёшли Левандовски Германия чемпионатининг 2019/20 йилги мавсумида 31 ўйин ўтказиб, 34 та гол ва 4 та голли узатмага муаллифлик қилди.
«Бавария» Чемпионлар Лигасининг ҳал қилувчи баҳсида ПСЖ билан тўқнаш келади. Мазкур беллашув 23 август куни Лиссабондаги «Эстадио Да Луш» стадионида бўлиб ўтади.
Изоҳ (0)