Ярим оғир вазн тоифаси вакиллари Доминик Реес ва Ян Блаҳович ўртасидаги жанг 26 сентябрь куни бўлиб ўтадиган UFC 253 мусобақасининг асосий воқеаларидан бири бўлади. Бу ҳақда UFC матбуот хизмати маълум қилди.
Аввалроқ Жон Жонс оғир вазн тоифасига ўтаётгани сабаб чемпионлик камаридан воз кечганди. Реес ва Блаҳович вакант камар учун жанг қилади.
Реес сўнгги жангини Жонсга қарши ўтказиб, ҳакамларнинг баҳсли қарори туфайли мағлубиятга учраганди. Блаҳович эса февраль ойида Кори Андерсондан реванш олган.
30 ёшли Реес MMA’да 13 жанг ўтказиб, уларнинг 12 тасида ғалаба қозонган ва бир бор мағлубиятга учраган. 37 ёшли полшалик яккакурашчи эса 34 та жангнинг 26 тасини ўз фойдасига ҳал қилган ва 8 баҳсда имкониятни бой берган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)