«Бавария» Чемпионлар Лигасининг ярим финал босқичида «Лион»ни 3:0 ҳисобида мағлуб этиб, Чемпионлар Лигаси финалига йўлланмани қўлга киритди.
Мюнхенликлар Чемпионлар Лигасининг жорий мавсумида ўтказилган 10 ўйиннинг барчасида ғалаба қозонди. Шу тариқа немис клуби 2013 йилда ўзи ва 2014–2015 йилларда «Реал» томонидан ўрнатилган рекордни такрорлади.
Шунингдек, агар ғалабалар серияси мавсум бошидан ҳисобланса, унда «Бавария» «Барселона»нинг 2002/03 йилги мавсумдаги рекордини (Чемпионлар Лигасининг дастлабки 9 та баҳсида ғалаба қозонган) янгилади.
Эслатиб ўтамиз, «Бавария» ва ПСЖ ўртасидаги Чемпионлар Лигаси финал ўйини 23 август санасига белгиланган.
Изоҳ (0)