УЕФА «Интер» ва «Севилья» жамоалари ўртасида кечадиган Европа Лигаси финалига ҳакамлар тайинлади.
Учрашув Данни Маккели бошчилигидаги нидерландиялик ҳакамлар гуруҳига топширилди. Унга қанотларда ҳамюртлари Марио Дикс ва Ҳессел Стегстра ёрдам беради. Тўртинчи ҳакам — грециялик Анастасиос Сидиропулос.
Видеоткарорлар тизимида нидерландиялик Йоҳем Кампҳюйс ва Кевин Блом ишлайди. Шунингдек, полшалик Павел Гил ва Томаш Соколницки офсайдларга (ўйиндан ташқари ҳолат) жавоб беради.
Бу Маккели фаолиятидаги илк Европа Лигаси финали ҳисобланади. Аввалроқ у 2017/18 йилги мавсум Европа Лигаси финали доирасида кечган «Атлетико» — «Марсель» учрашувида ассистент сифатида, шунингдек, Чемпионлар Лигасининг 2018/19 йилги мавсум финалида («Ливерпуль» — «Тоттенҳэм») видеотакрорларда ишлаганди.
Европа Лигаси финали Тошкент вақти билан 21 августдан 22 августга ўтар кечаси 00:00 да бошланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)