Футбол бўйича Россия Премьер Лигасининг 3-турида «Спартак» 19 август, чоршанба куни «Уфа» билан баҳс юритди.
Учрашувнинг 2-дақиқасида мезбонлар сардори Павел Аликин бурчакдан узатиб берилган тўпни боши билан дарвозага жойлаб қўйди. Москваликлар бунга 18-дақиқада Эсекиэль Понсенинг киритган тўпи билан жавоб қайтарди.
Қолган дақиқалар «қизил-оқлар»нинг устунлигида ўтди, бироқ «Спартак» ўйинчилари мезбонлар дарвозаси томон йўл топа олмади.
Мазкур ўйинда қайдномага киритилган Остон Ўрунов майдонга тушмади ва ўзбекистонлик футболчининг дебюти кечикадиган бўлди.
«Спартак» 5 очко билан ҳозирча 6-ўринда бормоқда. «Уфа» (4) эса 8-поғонадан жой олган.
Параллел кечган баҳсда «Локомотив» жамоаси «Урал»га қарши баҳс олиб борди. Унда пойтахтликлар Фёдор Смоловнинг сўнгги дақиқалардаги голи эвазига мағлубиятдан қутулиб қолди. «Темир йўлчилар»нинг ўзбекистонлик ярим ҳимоячиси Жасур Жалолиддинов қайдномадан ўрин олмади.
РПЛ
3-тур баҳслари
19 август, чоршанба
«Уфа» — «Спартак» 1:1
Голлар: 1:0 – 2 Аликин, 1:1 – 18 Понсе.«Уфа»: Беленов, Неделчару, Никитин, Сухов, Данченко (Тилл, 73), Голубев, Алиев, Аликин, Карп, Ёкич (Фолмер, 36), Жамалетдинов (Кротов, 84).
«Спартак»: Максименко, Жиго, Жикия, Маслов, Айртон, Зобнин, Умяров, Крал, Ларссон (Глушенков, 83), Соболев, Понсе (Бакаев, 76).
Огоҳлантиришлар: Аликин (27), Жамалетдинов (78), Фолмер (80).
«Урал» — «Локомотив» 1:1
Голлар: 1:0 – 74 Егоричев, 1:1 – 87 Смолов.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)