Футбол бўйича Coca-Cola Суперлига 10-турининг сўнгги ўйинида «Сурхон» ва «Навбаҳор» жамоалари 19 август, чоршанба куни ўзаро баҳс юритди.
Биринчи бўлимда майдонда тенг қураш кузатилди. Танаффусдан кейин ҳар икки жамоа вакиллари фаолликни оширди. 60-дақиқада Шерзод Каримов бурчак зарбасини ижро этиб, тўпни тўғри дарвозага жойлаб қўйди.
Орадан кўп ўтмай Асрор Ғофуров ўз дарвозасини қойилмақом гол урди ва ҳисоб тенглашди.
Ўйин якунланиши арафасида наманганликлар бир ўйинчи кам бўлиб қолди: Ислом Исоқжонов термизликлар футболчисига тирсак билан зарба бергани учун тўғридан-тўғри қизил карточкага лойиқ кўрилди.
Шу тариқа «Навбаҳор» очколарини 18 тага етказиб олган ҳолда 5-ўринда қолди. «Сурхон»нинг очколари эса 7 тага етди ва жамоа 11-поғонада бормоқда.
Coca-Cola Суперлига
10-тур баҳси
19 август, чоршанба
«Сурхон» — «Навбаҳор» 1:1
Голлар: 1:0 – 60 Каримов, 1:1 – 64, автогол Ғофуров.«Сурхон»: Акбар Тўраев, Абдуқаҳҳор Хожиакбаров, Ҳусниддин Ғофуров, Шерзод Каримов (Сардор Сулаймонов, 84), Шавкат Саломов (Нуриддин Ҳасанов, 88), Александр Касян, Ҳусниддин Ғофуров (Ж), Аъзамжон Алиев, Жаҳонгир Меҳмонов, Беҳруз Шайдулов, Асрор Ғофуров.
«Навбаҳор»: Дилшод Ҳамроев, Азимжон Аҳмедов, Азиз Турғунбоев, Мирзоҳид Ғофуров, Даврон Ҳошимов, Игор Голбан, Ислом Рашидхонов, Хуршидбек Мухторов, Аббосжон Ғуломов (Шоҳруҳ Маҳмудҳожиев, 82), Руслан Болов (Ислом Исоқжонов, 46), Забиҳилло Ўринбоев.
Огоҳлантиришлар: Болов (8), Меҳмонов (17), Ғофуров (34), Касян (75), Ғофуров (Ж) (78), Аҳмедов (81),
Четлатиш: Исоқжонов 79.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)