Олимларнинг таъкидлашича, агар одам ҳар куни бир мил (1,6 км) югурса, кун давомида ўзида ажойиб ўзгаришларни бошдан кечиради. Югуриш нафақат соғлик, балки инсон руҳий оламининг ҳам кашф этилмаган ҳисларини уйғотади.
Қуйида ҳар кунлик югуришни ўзига одат қилган одамнинг ҳаётида рўй берадиган ўзгаришлар ҳақида маълумот берилади.
Соғлом турмуш тарзи одатини ривожлантирасиз
Инсон одатларнинг қулидир. Танани нимага ўргаца, ўша рефлекс унда ривожланади. Агар ҳар куни югурсангиз, миянгиз машғулотни ўтказиб юбормаслик васвасасини енгишга қодир бўлади. Ҳар кунлик югуришга жисмоний машқларни ҳам секинлик билан қўшиб бориш, сизда соғлом турмуш тарзи одати ривожланаётганини англатади.
Янада ишончли ва муваффақиятли одамга айланасиз
Кундалик югуриш – бу кундан кун эришган мақсадингиз. Сиз буни билганингизда когнитив узатиш деб аталадиган нарса уйғонади. «Мен қила оламан» деган фикр миянгизда борган сари кўпроқ эшитилади. Демак, бу сиз ҳаётнинг бошқа соҳаларида янада ишончли, ташаббускор ва дадил эканлигингизни кўрсатади.
Хотиржам ва сокин бўласиз
Югуриш сизни тушкунлик, стресс ва бошқа руҳий муаммолардан халос қилади. Аммо ҳар қандай дори фақат мунтазам равишда қабул қилинсагина ўз таъсирини кўрсатади. Ҳар кунлик югуриш ҳам худди шундай. Мутахассисларнинг фикрича, кунлик югуришдан 10 кун ўтгач, одам ижобий фикрлай бошлайди ва тинч ухлайди. Бир ой ўтгач, қонда стресс гормони кортизол даражаси сезиларли даражада пасаяди, бу эса ташвиш ва ҳиссий ўзгаришларни енгиллаштиради.
Янада жозибали бўласиз
Агарда озишни хоҳласангиз, югуриш энг яхши спорт эмас. Шунингдек, 1,6 километр бу ортиқча килограммни «йўқотиб юборадиган» масофа ҳам эмас. Аммо мунтазам югурсангиз ва жисмоний машқларни ҳам қўшиб борсангиз сиз кутган натижани олишингиз мумкин.
Изоҳ (0)