Беларусда 9 августда бошланган норозилик намойишлари ва иш ташлашлар бугун ҳам давом этмоқда. Қуйида бугун содир бўлган энг муҳим воқеалар шарҳини ҳавола этамиз.
Мавзуга доир:
Шунингдек, мухолифатдаги Светлана Тихановская Европа Иттифоқи давлатлари раҳбарларига видеомурожаат йўллади. У ўз мурожаатида Беларусдаги сайлов натижаларини тан олмасликка чақирди.
Ҳурматли Европа етакчилари.Яна бир қизиқ тафсилот. Белтелерадиокомпания ишчиси ишга қўйилмаган ишчилар ўрнида россиялик мутахассислар ишлаётганини айтиб ўтди.Менинг халқим икки ҳафтадан буён ўз раҳбарларини танлаш бўйича конституциявий ҳуқуқлари учун тинч курашмоқда. 9 август куни бўлиб ўтган сайлов ҳаққоний ҳам, шаффоф ҳам бўлмади. Натижалар сохталаштирилди. Ўз овозларини ҳимоя қилиш учун Беларусь бўйлаб шаҳар кўчаларига чиққан одамлар шафқатсизларча калтакланди, ҳибсга олинди, ҳокимиятга қаттиқ тирмашган тузум томонидан қийноққа солинди. Бу айни дамда Европа марказида юз бермоқда.
Мен барчангиздан бу сохталаштирилган сайловни тан олмасликни сўрайман. Лукашенко халқимиз ва бутун дунё олдида ҳар қандай легитимликни йўқотди. Ҳукумат трансферини амалга ошириш мақсадида Беларусда мувофиқлаштирувчи кенгаш тузиш ташаббуси билан чиқдим.
У ҳокимиятни тинч йўл билан мулоқот орқали топшириш жараёнига бош бўлади. У зудлик билан халқаро кузатувчилар иштирокидаги янги, адолатли ва демократик президентлик сайловини эълон қилади.
Ҳурматли Европа давлатлари раҳбарлари, сизларни Беларуснинг ҳаракатини қўллаб-қувватлашга чақираман. Беларусь Республикаси суверенитети ва Беларусь халқи танловини ҳурмат қилишга чақираман.
Светлана Тихановская.
Шунингдек, ҳокимиятни тинч йўл билан алмаштириш бўйича мухолифатнинг мувофиқлаштирувчи кенгаши президиуми ташкил этилди. Унга 19 киши киритилди.
Булар орасида Нобель мукофоти лауреати, ёзувчи Светлана Алексиевич, дипломат, собиқ маданият вазири Павел Латушко, адвокатлар Лилия Власова ва Максим Знак, Минск Трактор заводи иш ташлаш комиссиясининг вакили Сергей Дилевский, рўйхатдан ўтмаган Беларусь христиан-демократик партиясининг ҳамраиси Ольга Ковалькова ва Светлана Тихановскаянинг ҳамкори Мария Колесниковалар бор.
Шунингдек, бугун Александр Лукашенко хавфсизлик кенгаши мажлисини ўтказди. Мажлисда иш ташлашларда қатнашмаётган ишчиларга миннатдорлик билдирди.
Лукашенко ИИВга мамлакатда, айниқса Минскда бошқа тартибсизликларга йўл қўймаслик бўйича топшириқ берди. Бундан ташқари, бошқа давлатлар ҳудудидан жангчилар, қурол-яроғ ва намойишларни молиялаштириш учун пул кириб келишининг олдини олиш мақсадида Беларусь чегараларини мустаҳкамлашни ҳам таъкидлади.
Бугун Европа Иттифоқи давлат раҳбарлари навбатдан ташқари саммитда йиғилди ҳамда Беларусь муаммосини муҳокама қилди. Унда қуйидаги қарорлар қабул қилинди:
- Европа Иттифоқи Беларусдаги президент сайлови натижаларини тан олмайди;
- Европа Иттифоқи давлатлари раҳбарлари бир овоздан Беларусда янги сайлов ўтказилиши кераклигини эълон қилди;
- Европа Иттифоқи Беларусдаги зўравонликлар ва сайлов натижаларини сохталаштиришда айбдор бўлганларнинг кўпчилигига қарши санкциялар жорий этишга қарор қилди;
- Европа Иттифоқи Лукашенконинг Беларусь учун санкциялар рўйхатига киритилиши эҳтимолини ўрганади;
- Европа Иттифоқи Беларусда ҳокимиятнинг тинч йўл билан ўтишига ҳамроҳ бўлишга тайёр;
- Европа Иттифоқи Беларусь ташаббуслари учун 53 миллион евро ажратишга қарор қилди;
- Европа Иттифоқи Беларусь расмийларини инқироздан тинч йўл билан чиқишга чақирди.
European Council President Charles Michel @eucopresident says EU will impose sanctions on those in power in #Belarus responsible for "shocking & unacceptable" scenes of violence around the flawed elections. No further details of sanctions given so far.
— Nick Beake (@Beaking_News) August 19, 2020
Шунингдек, намойиш қурбонлари сони бугун яна бир кишига кўпайди. 11 август кунги намойишларда полиция томонидан яраланган Брест шаҳри фуқароси Константин Шишмаков олган жароҳатлари натижасида шифохонада вафот этди. Милиция дастлаб, Брестда ўқ узилганини тан олган, аммо кейинчалик хабар ўзгартирилган эди.
Россия президенти матбуот котиби Дмитрий Песков журналистлар билан бўлиб ўтган учрашувда Кремль Беларусдаги воқеаларга ушбу мамлакатнинг ички ишлари сифатида қарашини айтиб ўтди.
Беларусь бизга иттифоқдош ва қардош давлатдир. Беларусь халқи – бизнинг қардош халқимиз. Биз Беларусда содир бўлаётган барча нарсага ушбу мамлакатнинг ички иши сифатида қараймиз... Ҳозирги вазиятда энг муҳими ташқаридан ҳеч қандай аралашув бўлмаслигидир. Биз бундай тўғридан-тўғри аралашувга уринишлар бўлаётганидан афсусдамиз. Биз ўзимиз бундай аралашишни номақбул деб ҳисоблаймиз.Журналистларнинг айнан қандай аралашув бўлаётгани ҳақидаги саволига Песков қуйидагича жавоб берди:
Мен ҳозир айтмоқчи бўлганим ҳамма нарсани айтдим.
Изоҳ (0)