Кўпинча янги ёки тор пойабзал оёқда қадоқлар пайдо бўлишига сабаб бўлади. Ёзнинг иссиқ кунларида эса бундай ноқулай ҳолат кўнгилни хира қилади. «Домашний очаг» янги пойабзал оёқни урганда, ярани даволашнинг 7 та самарали усули ҳақида тавсия берди.
Пойабзални алмаштиринг
Ҳозирги об-ҳаво учун махсус сотиб олинган пойабзал оёқда урганда, уларни бир четга олиб қўйиш керак бўлади. Шкафингиздан эски бўлса-да қулай, терининг шикастланган жойига таъсир қилмайдиган оёқ кийимни кийганингиз маъқул.
Ярани даволанг
Қадоқ жойни оқар сувда аста-секин ювинг. Яранинг атрофини 3 фоизли водород периксиди, кўкдори, 2 фоиз спиртли борий кислотаси эритмаси ёки спиртли ёд эритмаси каби антисептиклар билан даволанг. Диққат қилинг – яранинг ўзи спиртли эритмалар билан даволанмайди. Бу куйишга олиб келиши мумкин.
Ҳеч қандай малҳам дори ишлатманг
Қадоқ яраларни даволашда бирон бир крем ёки малҳам дори суриш мумкин эмас. Дерматологлар бу масалада қатъий фикрга эга: крем ва малҳам дорилар бундай яраларни даволашни ёмонлаштиради.
Малҳамли мато ёки боғич (бинт)
Ҳаво қанчалик кўп бўлса, жароҳатланган жой шунчалик тез шифо топади. Иложи борича қаварган жойга малҳамли мато ёпиштирмасдан, дока боғич (бинт) қўллаш яхшироқ. Ёки малҳамли матони астарли дока билан қўлланг – астарланмаган малҳамли мато ярага ёпишиб қолади ва олинганда терини янада кўпроқ яралайди.
Ярани боғлаш ва ҳаво ваннаси
Бир қўйилган малҳамли матони кун давомида қўйиб юриш мумкин эмас. Иложи бўлса уни кун ўртасида ўзгартириш (антисептик воситалар билан даволашни унутмаган ҳолда) ва ҳар тунда уни эҳтиёткорлик билан олиб ташлаш керак. Агар ҳаммомга тушмоқчи бўлсангиз, ярани ёпиш яхшироқ.
Оғриқ қолдирувчи восита
Бу жиддий жароҳат эмас, балки оддийгина қавариқ. Аммо унинг кечаси қандай оғриши барчага аён. Бундай вазиятда ибупрофен жуда яхши ёрдам беради.
Шифокорга мурожаат қилинг
Агар қадоқ яра шифо топмаса, аксинча зарар кўришда давом этса, инфекция юзага келган бўлади. Бундай вазиятда дерматологга мурожаат қилиш ва унинг назоратида даволаниш зарур.
Изоҳ (0)