Соғлиқни сақлаш вазирлиги тизимидаги 11 та олий таълим муассасаларида 2020/2021-ўқув йилида давлат буюртмасига кўра, бакалавриатга жами 6025 нафар (шундан 2598 нафари давлат гранти, 3427 нафари контракт асосида), магистратурага эса жами 1377 нафар, (291 нафари давлат гранти, 1086 нафари контракт) ўқишга қабул қилиш параметрлари белгиланган. Бу ҳақда ССВ жамоатчилик билан алоқалар бўлими хабар қилган.
Бакалавриат ва магистратурада 6025 та ҳамда 1377 та янги талабалик квоталарининг 11 та тиббиёт олийгоҳи бўйича тақсимоти:
- Тошкент тиббиёт академияси ва унинг Урганч, Фарғона ва Термиз филиалларига 1900 нафар (шундан 861 нафари грант, 1039 нафари контракт);
- Тошкент тиббиёт педиатрия институтига 625 нафар (шундан 285 нафари грант, 340 нафари контракт);
- Қорақалпоғистон тиббиёт институтига 400 нафар (шундан 196 нафари грант, 204 нафари контракт);
- Тошкент фармацевтика институтига 500 нафар (шундан 135 нафари грант, 365 нафари контракт);
- Тошкент давлат стоматология институтига 475 нафар (шундан 150 нафари грант, 325 нафари контракт);
- Андижон тиббиёт институтига 700 нафар (шундан 336 нафари грант, 364 нафари контракт);
- Бухоро тиббиёт институтига 600 нафар (шундан 264 нафари грант, 336 нафари контракт);
- Самарқанд тиббиёт институтга эса 825 нафар (шундан 371 нафари грант, 454 нафари контракт) ўрин ажратилган.
- Тошкент тиббиёт академиясига 405 нафар (шундан 90 нафари грант, 315 нафари контракт);
- Тошкент тиббиёт педиатрия институтига 277 нафар (шундан 52 нафари грант, 225 нафари контракт);
- Қорақалпоғистон тиббиёт институтига 14 нафар (шундан 6 нафари грант, 8 нафари контракт);
- Тошкент фармацевтика институтига 78 нафар (шундан 13 нафари грант, 65 нафари контракт);
- Тошкент давлат стоматология институтига 50 нафар (шундан 2 нафари грант, 48 нафари контракт);
- Андижон тиббиёт институтига 254 нафар (шундан 53 нафари грант, 201 нафари контракт);
- Бухоро тиббиёт институтига 119 нафар (шундан 28 нафари грант, 91 нафари контракт);
- Самарқанд тиббиёт институтга 180 нафар (шундан 47 нафари грант, 133 нафари контракт) ўрин ажратилган.
Барча олий таълим муассасалари каби тиббиёт олийгоҳларига кириш учун топшириладиган тест синовлари эпидемиологик хавфсизлик талабларига қатъий риоя қилган ҳолда Қорақалпоғистон Республикаси, вилоятлар ва Тошкент шаҳрида жойлашган марказий стадионлар ва бошқа танланган майдонларда 2020 йилнинг 2 сентябридан бошланади.
ССВ ахборотида тиббиёт олий таълим муассасаларига кириш учун рўйхатдан ўтган абитуриентлар сони ҳамда бир талабалик ўрнига неча киши даъвогарлик қилаётганига аниқлик киритилмаган.
2020 йилда Ўзбекистондаги олий таълим муассасаларига (ОТМ) бакалавриат босқичига 162 364 та, магистратурага 10 425 та ўрин ажратилган. Кириш имтиҳонлари икки сменада республика бўйича танлаб олинган 155 та стадионнинг 40 тасида ўтказилади.
Ўзбекистонда иккинчи мутахассисликка ҳужжатлар қабул қилиш жараёни 2020 йилнинг 10 августидан бошланган, олий ўқув юртларига кириш тест синовлари 2 сентябрдан бошланиб, 14 кун давом этади, бакалавр босқичининг 1, 2, 3, 4-босқич талабаларига ҳозирча сентябрь ойидан бошлаб масофавий таълим бошланади.
Республика Таълим муассасаларига ўқишга қабул қилиш бўйича Давлат комиссиясининг қарорига мувофиқ, тест синовлари билан бир қаторда касбий (ижодий) имтиҳонлар ўтказиладиган бакалавриат таълим йўналишлари бўйича касбий (ижодий) имтиҳонлар аввалги йилларда олинган мос фан бўйича тест синовлари билан алмаштирилган.
Аввал абитуриентларга ҳар 30 та тест топшириғини ечиш учун (жавоблар варақасини тўлдириш билан бирга) 90 дақиқа (60 та тест топшириғига жами 180 дақиқа берилади) вақт ажратилади.
Изоҳ (0)