Жон Проссер исмли таниқли инсайдер Apple’нинг яқин ойлардаги анонслар жадвали билан бўлишди. Коронавирус сабаб компания анъанавий кузги тадқимотини қайта кўриб чиқишга мажбур бўлиб, уни бир неча босқичларга бўлган, деб хабар беради «Hi-Tech.Mail.ru».
Биринчи тақдимот 7 сентябрь куни бўлиб ўтади — ушбу кунда компания янги Apple Watch соатлари ҳамда iPad планшетларини тақдим этади. Афтидан, Apple алоҳида тадбир ўтказмасдан, фақатгина пресс-релизлар билан бўлишади ва янги қурилмаларга буюртмаларни очади.
Инсайдерга ишониладиган бўлса, иккинчи босқич 12 октябрь куни бўлиб ўтади — ушбу кунда iPhone 12 линейкасининг тақдимоти ўтказилади. Бу энди тўлақонли тақдимотга айланиб, компания топ-менежерлари чиқиш қилади ва онлайн-трансляция амалга оширилади.
Шунингдек, 12 октябрь кунининг ўзида iPhone 12’га буюртмалар қабул қилиш бошланади, бироқ фақатгина кичкина моделга. Савдоларни 19 октябрда бошлаш режалаштирилган.
Учинчи босқичда эса iPhone 12 Pro ҳамда 12 Pro Max тақдим этилади — уларнинг тақдимоти бир кунда ўтказилгани билан, буюртма ва савдолар кейинроқ, ноябрда бошланади.
Аввалроқ Apple расман 2020 йилги янги iPhone’лар савдоси ҳар доимгидан кечроқ бошланишини маълум қилганди.
Изоҳ (0)