Янги COVID-19 коронавирус инфекцияси 2012 йилда инсон организмига адаптация бўлган бўлиши мумкин. Бу ҳақда The Sun нашри вирусолог Жонатан Латэм ва биолог Эллисон Уилсон фаразларига таяниб хабар қилди.
Тадқиқотчилар Хитойнинг Юньнань провинциясида икки ҳафта давомида тоғ конини кўршапалаклардан тозалаш натижасида касалланган ишчиларни даволаган шифокорнинг қайдларини топган. Беморларда COVID-19’га хос белгилар кузатилган: пневмония, қуруқ йўтал, бўғимлардаги оғриқлар ва кучли иситма. Касалланганлар ўпкага сунъий ҳаво бериш аппаратларига уланган ва олти нафар ишчидан уч киши вафот этган.
Кончиларнинг намуналари Ухандаги лабораторияга юборилган ва у ерда беморларнинг атипик пневмонияга ўхшаш касалликка чалингани хусусида ташхис қўйилган. Тадқиқотчиларнинг қайд этишича COVID-19 инсон организмига мослашган.
Охирги ойларда янг турдаги коронавируснинг пайдо бўлиши ҳақида турлича тахминлар илгари сурилди. Жаҳон соғлиқни сақлаш ташкилоти инфекциянинг етарли даражада ўрганилмагани ва бу борада хулоса қилишга эрта эканини маълум қилган. Экспертларнинг тадқиқотлари давом этмоқда.
Изоҳ (0)