«Манчестер Юнайтед» Европа Лигаси ярим финалида «Севилья»га ютқазиб қўйди (2:1) ва мусобақа билан хайрлашди.
Шу тариқа манкунианлар кетма-кет учинчи марта испан клубига мағлуб бўлиб Еврокубоклардан чиқиб кетди.
2018/19 йилги мавсумда «Манчестер Юнайтед» Чемпионлар Лигаси чорак финалида «Барселона», 2017/18 йилги мавсум 1/8 финалида эса «Севилья» тўсиғидан ўта олмаганди.
Шунингдек, «Манчестер Юнайтед» 2019/20 йилги мавсумдаги учта кубок мусобақасининг барчасида ярим финалда ўз юришини тўхтатди. Аввалроқ «қизил иблислар» Англия Лига Кубоги ярим финалида «Манчестер Сити»га (1:3, 1:0) енгилган бўлса, Англия Кубогида «Челси» (1:3) қаршилигини синдира олмаганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)