Икки вазн тоифасида UFC собиқ чемпиони Даниэль Кормье оғир вазн чемпиони Стипе Миочичга қарши кечган жанги ҳақида фикр билдирди ва фаолиятини якунлашини маълум қилди.
«Стипе яхши ҳаракат қилди. У менга кўплаб муаммолар туғдира олди. Ҳозирда чап кўзим ҳеч нимани кўрмаяпти.
Мени узоқ вақт клинчда ушлагани ҳайрон қолдирди. Бироқ нима бўлган тақдирда ҳам трилогиянинг иккита жангида ютқазиш ёқимсиз ҳолат.
Аввал айтганимдек, бу сўнгги жангим. Бу яхши жанг бўлди. Ажойиб йўлни босиб ўтдим, аммо бу чемпионлик унвони учун даъвогарлик қилган сўнгги жангим эди», — дейди 41 ёшли Кормье.
Эслатиб ўтамиз, Кормье UFC 252 мусобақасида Стипе Миочичга қарши жанг қилди ва очколар ҳисобда мағлуб бўлди. Бу яккакурашчилар иштирокидаги ўзаро учинчи жанг бўлди. Ундан аввал ҳар икки жангчида биттадан ғалаба бор эди.
Даниэль Кормье MMA’даги фаолияти мобайнида 25 та жанг ўтказиб, уларнинг 22 тасини ғалаба билан якунлаган ва уч бор мағлуб бўлган. Кормье мағлубиятларининг иккитасини Миочичдан ва яна бирини Жон Жонсдан қабул қилиб олган.
UFC 252 мусобақасидаги барча жангларни томоша қилинг (видео)
Изоҳ (0)