Футбол бўйича Европа Лигаси мусобақасининг дастлабки ярим финалида «Севилья» ва «Манчестер Юнайтед» жамоалари 16 август, якшанба куни ўзаро баҳс юритди.
Учрашув дебютида инглизлар пенальти ишлаб олди ва уни Бруну Фернандеш голга айлантирди. Бунга испанлар 26-дақиқада Сусонинг голи билан жавоб қайтарди.
Иккинчи бўлимда «Манчестер Юнайтед» футболчилари устунликка эга бўлди, бироқ рақиб ҳимоясини ёриб ўтиш уларга насиб этмади. 78-дақиқада андалусияликлар ғалабани тўпини киритишга муваффақ бўлди. Люк де Йонг қанотдан узатиб берилган тўпни яқин масофадан дарвозага жойлаб қўйди.
Шу тариқа «Севилья» Европа Лигаси ярим финалига йўл олди. Иккинчи ярим финал баҳси «Интер» ва «Шахтёр» жамоалари ўртасида кечади.
Европа Лигаси
Ярим финал баҳси
16 август, якшанба
«Севилья» Испания — «Манчестер Юнайтед» Англия 2:1
Голлар: 0:1 – 9, пенальти Бруну Фернандеш, 1:1 – 26 Сусо, 2:1 – 78 де Йонг.«Севилья»: Буну, Навас, Кунде, Регилон, Диего Карлос, Фернандо, Жордан (Гудел, 87), Сусо (Васкес, 75), Банега, Окампос (Мунир, 56), ан-Несири (де Йонг, 56).
«Манчестер Юнайтед»: Де Хеа, Уильямс (Фосу-Менса, 87), Магуайр, Линдельоф, Уан-Биссака (Мата, 87), Погба, Фред, Бруну Фернандеш, Марсьяль, Гринвуд (Игало, 90), Рэшфорд (Жеймс, 87).
Огоҳлантиришлар: Уильямс (17), Диего Карлос (21), Рэшфорд (66), Мунир (86), Магуайр (86).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)