Mansory ательеси карбон кузов ва 710 от кучли моторга эга Ford GT суперкарини сотувга қўйди. Уч нусхада ишлаб чиқарилган машина 1,8 миллион еврога баҳоланмоқда, деб хабар беради Motor.
Германиянинг Mobile сайтида Ford GT’нинг Le Mansory сериясига кирувчи суперкарларидан бири сотувга қўйилгани тўғрисида эълон пайдо бўлди. Mansory муҳандислари Америка купесининг кузовини алмаштирган, янги оптика ўрнатган, двигателини кучайтирган ва 21 дюймли ғилдираклар кийғизган.
Шунингдек, машина салонига ҳам ўзгартириш киритилган: Mansory дизайнерлари интерьерни углерод пластик билан безаган, янги ўриндиқлар ўрнатган, эшик қисмларини чарм билан, шунингдек, олд панел ва шифт қисмни алкантара билан қоплаган. Ательенинг маълум қилишича, «Ford GT’нинг ҳар бир таркибий қисмига ўзгаритиш киритилган».
Ford GT Le Mansory — таниқли ательенинг энг қимматбаҳо моделларидан ҳисобланади. Rolls-Royce Cullinan’га боғлиқ лойиҳалар ҳам бундан икки баробарга арзон тушган ҳатто.
Изоҳ (0)