Швейцариядаги Сен-Готард довонида тўртта машина, жумладан, Bugatti Chiron гиперкари ва Porsche 911 спорткари иштирокида оммавий ЙТҲ содир бўлди. Дастлабки маълумотларга кўра, тўқнашувга қувиб ўтишдаги омадсизлик сабаб бўлган, деб ёзади Motor.
Воқеа жойидан олинган видео ва фотолар Rainier Johnson Supercars ҳамжамиятининг Facebook’даги саҳифасига жойлаштирилган. Асосий версияларга кўра, Bugatti Chiron қарама-қарши йўналишга чиқиб, олдинда кетаётган Porsche 911’ни қувиб ўтишга уринган. Ўз навбатида 911 ҳайдовчиси ҳам бўш келмасдан, газ тепкисини босган. Гиперкар ва спорткар ўзаро тўқнашган, зарба уларни йўлда келаётган бошқа автомобиллар қаршисига чиқариб қўйган — Mercedes-Benz C-Class кемпери ва универсали. Тўқнашувда фақат универсал ҳайдовчисига тиббий ёрдам керак бўлган.
Тасвирларга кўра, асосий зарар Porsche 911 моделига етган — спорткарнинг бутун олд қисми пачоқ бўлган, ғилдиракларидан бири ўқидан чиқиб кетган, капот қийшайган. Bugatti Chiron’нинг омади келган: гиперкарнинг олд бампери, радиатор панжараси ва капоти бироз қийшайган. C-Class эса ўнг ён томони билан бетон тўсиққа урилган, кемперга етган зарар ҳақида ҳеч нарса маълум эмас.
Изоҳ (0)