Турмуш қурганига 62 йил бўлган америкалик эр-хотин коронавирус инфекциясини юқтириб, бир кунда вафот этди. Бу ҳақда People хабар берди.
Апрель ойи ўрталарида, Американинг Нью-Жерси штатида яшовчи эр-хотин – 85 ёшли Лоуренс Фреда ва 83 ёшли Виктория коронавирус инфекциясини юқтирган. 22 апрель куни уларнинг ўғли Жон шу касалликдан вафот этади. Икки кун ўтиб, бир неча соат фарқ билан, эр-хотин ҳам касалхонада оламдан ўтди.
Яқин қариндошларининг айтишича, бу икки кекса нафақахўр ҳаётда ҳечам бир-биридан ажралмаган.
«Лоуренс учун энг катта ҳузур Викторияга ғамхўрлик қилиш ва у билан вақт ўтказиш эди», – дейди марҳум эркакни таниганлар.
Эр-хотиннинг яна икки ўғли ва олти невараси бор. Лоуренс ва Викториянинг вафотидан сўнг улар дафн маросимини муносиб ўтказиш учун хайрия йиғини ташкил этди.
Изоҳ (0)