ССВ Россиянинг нуфузли тиббиёт муассасаларида фаолият олиб бораётган мутахассислардан иборат нуфузли тиббий гуруҳининг Тошкент халқаро аэропортида кутиб олинганини маълум қилди.
Хабарга кўра реаниматолог, пулмонолог, инфекционист, вирусолог, кардиолог, эндокринолог каби мутахассислар бир ой давомида коронавирусга чалинганларни даволаш муассасаларида ўзбекистонлик шифокорлар билан ҳамкорликда иш олиб боради.
Россиялик мутахассислар Эпидемиология, микробиология ва юқумли касалликлар илмий текшириш институти, Вируслогия илмий текшириш институти клиникаларида, Зангиота туманидаги юқумли касалликлар шифохонасида, шунингдек, қатор вилоятлардаги шу соҳага ихтисослашган шифохоналарда фаолият кўрсатиши кутилмоқда.
Аввал Россия соғлиқни сақлаш вазири Михаил Мурашко коронавирусга қарши кураш бўйича мувофиқлаштирувчи кенгаш президиуми йиғилишида Россиялик тиббиёт ходимлари гуруҳи Ўзбекистонга коронавирусга қарши курашда ёрдам бериш учун келиши ҳақида гапирганди. Кейинчалик коронавирусга қарши курашда ёрдам бериш учун 40 нафар россиялик шифокор 16 август куни Тошкентга етиб келиши ҳақида хабар берилганди.
Изоҳ (0)