Жаҳон соғлиқни сақлаш ташкилоти (ЖССТ) томонидан коронавирусга ҳамма чалиниши мумкинлиги тўғрисида маълумот берилган. Бу ҳақда 16 август куни АОКАда бўлиб ўтган брифингда Коронавирусга қарши кураш штаби аъзоси, профессор Шуҳрат Боймуродов айтиб ўтди.
Профессор Шуҳрат Боймуродовнинг маълум қилишича, ЖССТ томонидан бу касалликка ҳамма чалиниши мумкинлиги тўғрисида маълумот берилган.
«Бугунги кундаги ҳолатга тўхталадиган бўлсак, ниқоб тақиб юриш ва ижтимоий масофа сақлаш ҳамда имкон қадар ўзини алоҳидалаганларга юқиш эҳтимоли пасаяди ёки вирус организмга тушиши камаяди», – деди Коронавирусга қарши кураш штаби аъзоси Боймуродов.
Унинг алоҳида таъкидлашича, коронавирус одамлар билан мулоқотни чеклаган инсонларга юқмаслиги мумкин: «Лекин вақт ўтиб, ҳар бир инсон ҳаёти давомида бу инфекция билан барибир тўқнашади ва шу даврда коронавируснинг касаллик чақириш қобилияти камайган бўлса, енгил кечиради».
Аввалроқ Ўзбекистон коронавирусга чалинганлар сони бўйича дунёда 58-ўринга чиқиб олгани ҳақида хабар берилган эди.
Ўзбекистонда эса ССВ маълумотлари бўйича, коронавирусга чалинган 34 528 кишидан 29 328 нафари (85 фоизи) соғайган. 4975 нафар (14,4 фоиз) бемор даволанаётган бўлса, 225 киши (0,6 фоиз) вафот этган.
Дунё бўйича коронавирус инфекциясини юқтириб олганлар сони ҳозирда 21,24 миллиондан ортиқ. Рўйхатнинг дастлабки учлигида бораётган АҚШ (5,31 миллион бемор), Бразилия (3,27 миллион) ва Ҳиндистон (2,52 миллион) ҳисобига дунёдаги барча касалланиш ҳолатларининг 52 фоизи тўғри келмоқда.
Соғлиқни сақлаш вазирлиги Ўзбекистонда 15 август соат 17:00 ҳолатига кўра коронавирусга чалинганлар сони 34 528 нафарга етган.
Изоҳ (0)