Ўзбекистонда коронавирус инфекцияси қайд этилганлар сони 35109 нафарга етди. Бу ҳақда Соғлиқни сақлаш вазирлиги хабар бермоқда.
15 август соат 23:30 дан 16 август соат 17:00 гача 408 кишида коронавирус қайд этилди. Янги ҳолатларнинг барчаси тана ҳарорати кўтарилганлиги боис профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган:
- Тошкент шаҳрида — 338 нафар;
- Самарқанд вилоятида — 41 нафар;
- Бухоро вилоятида — 13 нафар;
- Қорақалпоғистон Республикасида — 6 нафар;
- Наманган вилоятида — 5 нафар;
- Андижон вилоятида — 3 нафар;
- Хоразм вилоятида — 2 нафар.
Жумладан:
- Тошкент шаҳрида — 382 нафар;
- Тошкент вилоятида — 216 нафар;
- Бухорода — 15 нафар;
- Андижонда — 5 нафар;
Ўзбекистонда коронавирусдан тузалганлар сони 30664 нафар (87 фоиз)га етди.
Ҳозирда 4215 нафар бемор коронавирусдан даволанмоқда. 29 июль куни беморлар сони 9500 дан ортиқ эди. 30 июлдан бошлаб даволанаётган беморлар сони камая бошлади. Эслатиб ўтамиз, 10 июлдан Ўзбекистоннинг барча ҳудудлари «қизил» ҳудудга тенглаштирилиб, карантин чекловлари кучайтирилганди. 9 июль соат 23:30 ҳолатига кўра эса коронавирусдан даволанаётганлар сони 4226 нафарни ташкил этганди. Бу даволанишдаги беморлар сони карантин чекловлари кучайтирилишидан аввалги кўрсаткичга тушганини англатади.
Аммо 10 июлдан ҳозиргача, ССВ ҳисоби бўйича, COVID-19 асоратлари оқибатида 179 киши вафот этди. Коронавируснинг Ўзбекистондаги барча қурбонлари ССВ ҳисоб-китобига кўра 230 нафарга, «Дарё» ҳисоби бўйича эса 239 кишига етди.
Изоҳ (0)