Гренландия музликлари ортга қайтиб бўлмас нуқтадан ўтиб кетди ва энди Ер иқлимининг ўзгариши тўхтаса ҳам, муз қопламалари қисқаришда давом этади. Бу борадаги тегишли тадқиқот натижалари Nature Communications Earth and Environment журналида чоп этилди.
Олимлар тадқиқот давомида Гренландияда жойлашган 200 та йирик музликнинг сунъий йўлдош маълумотларини кўриб чиққан. Мутахассисларнинг хулосасича, музликларга ҳар йили ёғадиган қорлар эриётган музларга боғлиқ йўқотишларни қопламай қўйган.
Таъкидланишича, 2000 йилларда музларнинг эриши кескин ортиб кетган, уларнинг манбаси эса йўқолган. Музликлар шу қадар кичрайиб кетганки, музнинг асосий қисми океан ости билан алоқани узган, ҳозирда шунчаки илиқ океан суви билан ювилмоқда. Бу эса уларнинг эришига янада ёрдамлашмоқда.
2019 йилда Гренландия музликларининг эриши шу қадар кучли бўлганки, икки ой ичида океан сатҳи 2,2 миллиметрга кўтарилган.
Аввалроқ сўнгги уч ўн йилликда Жанубий қутбдаги ҳарорат глобал ўртача кўрсаткичдан уч бараварга кўтарилгани тўғрисида хабар берилганди.
Мавзуга доир: Антарктидада «яшил қор» пайдо бўлди (видео)
Изоҳ (0)