UFC’нинг енгил вазндаги чемпиони Ҳабиб Нурмагомедов отаси Абдулманап Нурмагомедовнинг вафотидан сўнг илк бор пресс-конференцияда иштирок этди. У журналистларнинг фаолиятини якунлаш ҳақидаги саволига қуйидагича жавоб берди.
Мияга ҳар хил фикрлар келади: менга жанг беришди, унга тайёргарлик кўряпман. Узоқ муддатли режалар тузмайман. Сентябрда 32 ёшга тўламан. Бу эса кичик ёш эмас. Агар MMA’да қанчадан бери фаолият олиб бораётганимга эътибор берилса, ушбу спорт туридаги ветеранлардан эканлигим кўринади. Ахир 2008 йил ёзидан бери шу спорт ичидаман. Агар фаолиятимни якунлашга қарор қилган тақдиримда ҳам ортимда яхшигина фаолият борлиги маълум. Аммо мен яна жанг қилишни хоҳлаяпман. Яна нималардир билан машғул бўлишни истайман. Бу йил эса мен учун 100 фоиз машғулот режимида ўтади деб умид қиламан. Бу атрофимда содир бўлаётган воқеликлар ва барча янгиликлардан чалғишимга ёрдам беради.Маълумот учун, Ҳабиб Нурмагомедов MMA’да ҳозирга қадар 28 та жанг ўтказиб, уларнинг барчасида ғалаба қозонган. У ўзининг навбатдаги жангини UFC’нинг енгил вазндаги вақтинчалик чемпиони Жастин Гэтжига қарши ўтказади. Жанг 24 октябрда бўлиб ўтади.Ҳабиб Нурмагомедов, UFC чемпиони
Мавзуга доир: Ҳабиб Нурмагомедов: Агар менда жароҳат бўлмаса, доим машғулотлар залидаман
Изоҳ (0)