Футбол бўйича Европа Чемпионлар Лигасининг чорак финалида «Лейпциг» ва «Атлетико» жамоалари 13 август, пайшанба куни ўзаро баҳс олиб борди.
Учрашув тенг курашлар остида бошланди. Биринчи бўлимда ҳар икки жамоада саноқли голга тортадиган вазиятлар бўлди, бироқ танаффусга қадар дарвозалар дахлсиз қолди.
Иккинчи бўлим дебютида олдинга ўтган немислар вазиятларнинг бирини голга айлантирди: Дани Ольмо қанотдан узатилган тўпни боши билан дарвозага жойлаб қўйди.
Бунга мадридликлар 71-дақиқага келиб жавоб қайтара олди. Захирадан майдонга тушган Жоау Феликс пенальти ишлаб олди ва уни ўзи голга айлантирди. Барчаси қўшимча бўлимлар томон кетаётган бир вақтда «буқалар» иккинчи голни уришга эришди. Тайлер Адамснинг зарбасидан кейин тўп мадридликлар ҳимоячисига тегиб ўз йўналишини ўзгартирди ва дарвозадан олди.
Шу тариқа «Лейпциг» ярим финал йўлланмасига эга чиқди ва кейинги босқчида ПСЖ билан ўйнайди.
ЕЧЛ
Чорак финал баҳси
13 август, пайшанба
«Лейпциг» Германия — «Атлетико» Испания 2:1
Голлар: 1:0 – 50 Ольмо, 1:1 – 71, пенальти Жоау Феликс, 2:1 – 88 Адамс.«Лейпциг»: Гулачи, Ҳалстенберг, Клостерманн, Упамекано, Анхелиньо, Кампл, Забитцер (Мукиеле, 90), Нкунку (Айдара, 83), Лаймер (Адамс, 72), Ольмо (Шик, 83), Поульсен.
«Атлетико»: Облак, Лоди, Хименес, Триппьер, Савич, Эррера (Жоау Феликс, 58), Коке (Фелипе, 90), Сауль, Феррейра Карраско, Льоренте, Диего Коста (Мората, 72).
Огоҳлантиришлар: Лоди (62), Клостерманн (70), Кампл (82), Айдара (87), Хименес (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)