Вазирлар Маҳкамасининг 11 августдаги тегишли қарори билан Ўзбекистонда рўйхатдан ўтказмасдан ҳамда сертификатлаштирмасдан импорт қилинадиган, COVID-19 инфекцияси билан касалланган беморларни даволашда қўлланиладиган тиббий буюмлар ва тиббий техникалар рўйхати кенгайтирилиб, 5 турдаги тиббиёт буюмлари қўшилди. Бу ҳақда «Ҳуқуқий ахборот» Telegram канали хабар берди.
Шунингдек, Ўзбекистонда рўйхатдан ўтказмасдан, мажбурий сертификациялаштириш шарти билан импорт қилинадиган, COVID-19 инфекцияси билан касалланган беморларни даволашда қўлланиладиган дори воситалари ва биологик фаол моддалар рўйхатига ҳам тегишли ўзгаришлар киритилди.
22 июль куни ҳукумат 100 дан ортиқ дори воситалари ва тиббий буюмлар, шу жумладан, кислород концентраторлар, пулсоксиметрлар, УЗИ аппаратлари, гидроксихлорин, умифеновир препаратлари ҳамда синк, магний, селен ёки Д витамин моддаларини сақловчи биологик фаол қўшимчаларни импорт қилиш ва реализациялашни соддалаштирган эди.
Янги қарорга кўра, коронавирусни даволашда қўлланиладиган дори воситлари, тиббий буюмлар ва тиббий техникаларни 2020 йил 1 октябрга қадар бўлган муддатда Ўзбекистон ҳудудидан ташқарига олиб чиқиб кетиш вақтинча тўхтатилади. Аввалроқ бундай тақиқ барча фармацевтика маҳсулотларига нисбатан эди.
Бунда айрим дори воситалари, тиббий буюмлар ва тиббий техникаларни экспорт қилишга рухсат Республика махсус комиссияси томонидан Иқтисодий тараққиёт ва камбағалликни қисқартириш вазирлиги ҳамда Фармацевтика тармоғини ривожлантириш агентлигининг қўшма хулосаси асосида рухсат берилади.
Ўзбекистонда рўйхатдан ўтказмасдан ҳамда сертификатлаштирмасдан импорт қилинадиган, COVID-19 инфекцияси билан касалланган беморларни даволашда қўлланиладиган тиббий буюмлар ва тиббий техникалар рўйхати:
Ўзбекистонда рўйхатдан ўтказмасдан, мажбурий сертификациялаштириш шарти билан импорт қилинадиган, COVID-19 инфекцияси билан касалланган беморларни даволашда қўлланиладиган дори воситалари ва биологик фаол моддалар рўйхати:
Изоҳ (0)