Тошкент вилояти Юқори Чирчиқ туманида ўз акасини калтаклаб, пичоқда тан жароҳати етказган шахс қўлга олинди, деб хабар бермоқда Тошкент вилояти ИИББ.
Қайд этилишича, 2020 йил 4 июль куни Юқори Чирчиқ тумани «Файзобод» маҳалласида яшовчи 46 ёшли З.Д. шу маҳаллада яшовчи акаси 53 ёшли Ҳ.Д. билан акасининг уйида суҳбатлашиб ўтириб, ўрталарида келиб чиққан ўзаро келишмовчилик натижасида жанжаллашиб қолади. Жанжал давомида З.Д. акасининг турли жойларига қўли билан уриб, сўнг ошхона пичоғи билан қўл соҳасига бир маротаба уриб тан жароҳати етказган.
Натижада Ҳ.Д. олган тан жароҳатлари билан туман марказий тиббиёт бирлашмасига даволаниш учун ётқизилган.
Ўтказилган судга оид тиббий экспертизанинг хулосасида Ҳ.Д.нинг олган тан жароҳатлари оғирлик даражасига кўра оғир тан жароҳатлари тоифасига кириши кўрсатиб ўтилган.
Мазкур ҳолат юзасидан Юқори Чирчиқ тумани ИИБ ҳузуридаги тергов бўлинмаси томонидан З.Д.га нисбатан Жиноят кодексининг 104-моддаси 1-қисми (қасддан баданга оғир шикаст етказиш) билан жиноят иши қўзғатилган. Эҳтиёт чораси сифатида қамоқ танланиб, тергов ҳаракатлари олиб борилмоқда.
Изоҳ (0)