АҚШ президенти Дональд Трамп CBS News журналистининг ноқулай саволи сабаб матбуот анжуманини тугатмасдан залдан чиқиб кетди.
Трампнинг Нью-Жерси штатидаги нутқидан кейин нашр вакили Паула Рид президентни «Фахрийлар танлови» лойиҳаси унинг администрацияси томонидан қилингани ҳақида гаплар ёлғонлигини айтган.
«Нима учун сиз «Фахрийлар танлови» лойиҳасини ишга тушурганингизни ишонч билан гапиряпсиз? У 2014 йилда қабул қилинган, бу ёлғон баёнот жаноб», — дея Трампнинг 2016 йилда президентлик курсисига ўтирганини эслатган журналист.
Президент журналистнинг гапларидан сўнг кейинги саволга ўтишни сўраган, аммо аёл Трампнинг гапини бўлган ва ўз саволини такрорлаган.
Якунда Трамп матбуот-анжуманини тўхтатган ва келганларга ташаккурини изҳор қилиб, трибунани тарк этган.
Аввал АҚШ президенти Дональд Трамп ҲБО телеканалига берган интервьюсида, ноябрга қадар Афғонистондаги Америка контингентининг сони 8 мингдан 4 минг кишига камайиши ҳақида маълумотни тасдиқлагани, Facebook ижтимоий тармоғи Трампнинг аккаунтидан коронавирус борасида ёлғон маълумотлар келтирилган видеони ўчириб ташлагани ҳамда Трампнинг АҚШ фуқароларига TikTok қисқа видео-сервисига ва WeChat мессенжерига эгалик қилувчи Хитойнинг ByteDance ва Tencent компаниялари билан битимлар тузишни тақиқловчи иккита фармонни имзолагани ҳақида хабарлар берилган.
Изоҳ (0)