Александр Лукашенко Беларусь президенти сайловида давлат экзит-поли ҳисоб-китоби бўйича 79,7 фоиз овоз олди, дея хабар бермоқда «РИА Новости».
Унинг асосий рақиби Светлана Тихановская эса, дастлабки маълумотларга кўра, 6,8 фоиз овоз олган.
Беларусь Марказий сайлов комиссияси маълумотига кўра, бешта вилоятдаги касалхоналарда ташкил этилган сайлов участкаларида Лукашенко 82 фоиз овоз олган. Армияда унга 93,7 фоиз сайловчи овоз берган.
«Радио Свобода»нинг хабар беришича, хориждаги 18 та сайлов участкаларидаги экзит-пол Лукашенко 10 фоиздан сал кўпроқ, Тихановская эса 71 фоиз овозни қўлга киритганини кўрсатган. Экзит-поллар кимлар томонидан ўтказилгани ва гап айнан қайси мамлакатлар ҳақида бораётганига аниқлик киритилмаган.
Изоҳ (0)