Бразилияда коронавирус инфекциясига юқтириб олганларнинг умумий сони 3 миллион кишидан ошди. Бу ҳақда мамлакат Соғлиқни сақлаш вазирлиги маълум қилди. Аввалроқ, 17 июль куни мамлакатда касалланганлар сони 2 миллион кишидан ошгани ҳақида хабар берилган эди.
Янгиланган статистикага кўра, Бразилияда шу кунгача 3 012 412 кишида COVID-19 тасдиқланган. Жумладан, сўнгги бир сутка ичида 49 970 кишида касаллик аниқланган. Айни вақтда, сутка давомида мамлакатдаги коронавирус қурбонлари сони 905 кишига кўпайиб, 100 477 кишига етган.
Аввалроқ, 23 июлда Бразилияда коронавирусга чалиниш билан боғлиқ суткалик кўрсаткич антирекордни қайд этиб, бир кунда 67 860 кишида касаллик тасдиқланган эди.
АҚШнинг Жонс Ҳопкинс университети маълумотларига кўра, Бразилия коронавирусга чалинганлар ва ушбу инфекция асоратлари оқибатида вафот этганлар сони бўйича жаҳонда етакчилардан биридир — Бразилия бу борада фақат АҚШдан ортда қолиб, дунёда иккинчи бўлиб турибди.
Мавзуга доир:
- Бразилия президенти коронавирус инфекциясидан тузалди
- Бразилияда коронавирус билан касалланиш бўйича кунлик антирекорд янгиланди — бир суткада 67,8 мингдан ортиқ одам COVID-19’га чалинди
- Бразилиялик шифокорлар «Гидроксихлорохин»ни COVID-19’га қарши самарасиз деб топди. Ўзбекистонда бу доридан беморларни даволашда фойдаланилмоқда
Изоҳ (0)