Бразилия Олий суди мамлакатда коронавирус инфекцияси асоратларидан вафот этган 100 минг кишининг хотираси учун уч кунлик мотам эълон қилди. Бу ҳақда суд сайтида ахборот берилган.
Суд ахборотида алоҳида таъкидланишича, бу каби фожиа Бразилия тарихида бўлган эмас.
Аввалроқ Бразилия Соғлиқни сақлаш вазирлиги сўнгги 24 соат ичида мамлакатда коронавирус қурбонлари сони 905 кишига кўпайиб, 100 477 нафарга етганини маълум қилган эди. Жами касалланиш ҳолатлари сони эса 3 миллиондан ошган.
АҚШдаги Жонс Ҳопкинс университети маълумотларига кўра, Бразилия коронавирус беморлари ва қурбонлари сони бўйича жаҳонда етакчилардан бири саналади — у бу борада фақат АҚШдан ортда қолган ҳолда, дунёда иккинчи.
Қайд этиш жоиз, АҚШда коронавирусга чалинганлар сони 5 миллион кишидан ошган.
Изоҳ (0)