Икки вазн тоифасида UFC’нинг собиқ чемпиони Конор Макгрегор узоқ йиллик муносабатлардан сўнг икки фарзандининг онаси Ди Девлинга уйланишга қарор қилди. Ирландиялик жангчи бу ҳақда Instagram’даги саҳифасида эълон қилди.
«Қандай ажойиб туғилган кун, бўлажак рафиқам», — деб ёзган Конор қаллиғининг туғилган кунига ўзгача совға тариқасида.
Қайд этиш жоиз, жуфтлик 2008 йилдан бери яқин муносабатда. Девлин Конорнинг MMA супер юлдузига айланишида у билан ёнма-ён турган. Ҳозирда улар Жек ва Кроя исмли икки фарзандни тарбияламоқда.
Эслатиб ўтамиз, аввалроқ Макгрегор жанг қилишдан зериккани ва ўзи учун муносиб рақиб йўқлиги учун фаолиятини якунлаганди.
Маълумот учун, Макрегор MMA’да 26 та жанг ўтказиб, шуларнинг 22 тасида ғалаба қозонган. У 2015 йилнинг 12 декабрида Жозе Алдони мағлуб этган ҳолда ярим енгил вазн тоифасида чемпионлик камарини қўлга киритган. Конор шунингдек, енгил вазн тоифаси собиқ чемпиони ҳисобланади.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)