«Реал» мавсумлар оралиғидаги трансфер ойнасида «Ювентус» ҳужумчиси Пауло Дибалани ўз сафига қўшиб олмоқчи. Бу ҳақда SportMediaset хабар бермоқда.
Манбага кўра, Мадрид клуби аргентиналик футболчи учун 100 миллион евро ва Тони Кроос ёки Искодан бирини таклиф қилмоқчи.
Маълумот учун, Дибала 2015 йилдан бери Турин клуби сафида тўп суради. У 2019/20 йилги мавсумда клуб миқёсидаги барча мусобақаларда 45 та ўйин ўтказиб, ўз номига 17 та гол ва 14 та голли узатма ёздириб қўйди.
26 ёшли футболчининг «Ювентус» билан амалдаги шартномаси 2022 йилнинг ёзигача мўлжалланган.
Изоҳ (0)