Беларусь президенти сайлови учун мамлакатдан ташқарида ташкил этилган сайлов участкаларида президентликка номзод Светлана Тихановская 79,69 фоиз овоз олган. Бу ҳақда, экзит-пол маълумотларига асосланиб, «Радио Свобода» хабар бермоқда.
Хориждаги сайлов участкаларида Беларуснинг амалдаги президенти Александр Лукашенко учун 6,25 фоиз овоз берилган. Сайловчиларнинг деярли 11 фоизи айнан кимга овоз берганини маълум қилишдан бош тортган, 1,96 фоиз сайловчи эса барчага қарши овоз берганини таъкидлаган. 0,5 фоиз овоз қолган номзодлар ўртасида тақсимланган.
Қайд этишларича, ушбу маълумотлар 19 та сайлов участкасидан олинган. Сўровномада 6572 киши қатнашгани айтилмоқда.
Аввалроқ Беларуснинг ўзидаги сайлов участкаларида давлат томонидан ўтказилган экзит-пол натижаларига кўра, амалдаги президент Лукашенко салкам 80 фоиз, унинг энг асосий рақобатчиси Светлана Тихановская эса 6,8 фоиз овоз олгани ҳақида хабар берилган эди.
Изоҳ (0)